【高質真皮球感：Copa Sense.1 FG 實測】
.
今年度三間再次將Copa升級，提昇至新版本Copa Sense。Copa貴為三間其中一個繼續開發嘅系列，期望將傳統袋鼠皮配搭嶄新科技，為傳統帶來新嘅元素。至於今次，新推出嘅頂級版Copa Sense亦帶來不少新科技應用。而今次實測嘅波Boot，亦會係不少波友都會喜歡嘅版本：Copa Sense.1 FG，屬於有鞋帶嘅頂級版波Boot。
.
於Copa Sense.1上，袋鼠皮以Fusionskin科技特製，袋鼠皮無縫製作，大大減低皮革因吸水而破壞的可能。此外，Copa Sense.1 除了提供有鞋帶嘅配置，亦應用了傳統鞋舌設計，鞋帶能夠穿過鞋舌作固定。最特別的是，Copa Sense+ 用上新科技Touchpod及Sensepod，Touchpods位於鞋內側及腳外側的位置，目的為了增強控球球感，至於Sensepods則位於鞋內踭位置，既能夠令足踝更為鞏固，也令足部更融入波Boot。於鞋釘上，三間表示真草FG版本內側的兩粒鞋釘用上較軟嘅質料，期望令用家更容易觸球轉向擺脫對手。
.
於整個實測過程上，Copa鞋踭內嘅Sensepods會啜腳，估計因為Sensepods外層屬於膠質，所以於初次實測時，腳踭位置很快會有刮腳嘅狀況；不過於第二次實測上，阿靴有備而來，將凡士林塗於鞋踭內嘅Sensepods上，就再沒有刮腳嘅狀況，而且腳掌跟Copa Sense.1有相非常理想嘅融入。
.
實測上，阿靴最滿意嘅係Copa Sense.1嘅觸控球感，如上代一樣，特製嘅袋鼠皮帶來優質嘅觸控球感，不過，Copa Sense.1 鞋面不再是臘腸卷式設計，取而代之，兩側用上咗波浪型嘅紋理，除了帶來嶄新視覺，亦能提昇到波Boot嘅整體球感。不過整體來講，隨實測時間愈長，Copa Sense.1 嘅袋鼠皮愈跟足部融入，踢球嘅球感亦會愈來愈好，加上波Boot兩邊嘅Touchpods，控球嘅體驗的確非常高質。
.
阿靴亦滿意Copa Sense.1嘅長短傳發揮，短傳質感屬於穩定，受惠於Touchpods嘅配置下，傳送球感更為提升，短傳感覺更為得心應手。長傳上，Copa Sense.1力量感充裕，如短傳一樣，長傳球感亦相當理想。亦因此，阿靴相當喜歡Touchpods嘅設計，佢令本身已是袋鼠皮嘅Copa Sense.1 更為昇華，而且隨時間去，發揮亦會愈來愈好。
.
盤扭上是Copa Sense.1較弱嘅位置，畢竟Copa Sense.1較為厚而且重，因此不會如X及Nemeziz般靈活及富速度感，不過Copa Sense.1會帶來一種穩定的感覺給大家。
.
射門上，阿靴認為Copa Sense.1特製嘅袋鼠皮，加上適合阿靴嘅鞋形，腳面射門力量感屬於充足，不過Copa Sense.1需要時間開鞋，才能夠較容易做出較漂嘅射門。不過，阿靴認為Copa Sense.1嘅腳內檔射門相當出色，同樣因為Touchpods嘅配置，加上波Boot力量感充足，Copa Sense.1射門相當急勁，而且富明顯弧度。
.
尺碼上，Copa Sense.1並無偏大偏細，大家選擇正常尺碼就可以。至於鞋型上，Copa Sense.1為中腳形，但袋鼠皮會因應踢球時間而與腳掌更融入，所以中至闊腳的用家會較為合適。
.
Copa Sense.1 FG 實測報告：
盤球：●●●
控球：●●●●◐
短傳：●●●●◐
長傳：●●●●
射門：●●●●
舒適：●●●◐
保護：●●●●
.
再次感謝 adidashk 提供嘅波Boot
--------------------------------------------------
【屎波裝備多Instagram】Follow: instagram.com/hkfootballreview
【波Boot實測】Adidas X Ghosted.1 Indoor: https://youtu.be/LGFc_QJVnQ0
【波Boot實測】白飯魚: https://youtu.be/-dbvs0_YgiY
【波Boot比較】五對驚喜釘Boot: https://youtu.be/vzDRe25kkrM
Search